حسن دمیرچی و باشقا آذربایجانلی زیندانیلری آزاد ائدین

او گون یایین ایستی گونلرینین بیرینده حسن دمیرچی اوغلو مازیارا باکی - دا توی گونونده آذربایجانی سئوه جک ائولادلار یئتیشدیرسینلر دئیه خئییر دعا وئردی. میکروفونو الینه آلیب بیز بو وطنین بیره بیر عاشق لرییک دئدی. دورنالاری اوچدولار اوزاق ائللره. باشینی چئویریب گئتدیکلری یولا باخدی. گؤزلرینده آذربایجانین آزاد گونلرینده یاشایاجاق وطن ائولادلارینین آرزولاری گولومسندی

آذربایجان

کونلوم قوشو قاناد چالماز، سنسیز بیر آن آذربایجان

خوش گونلرین گتمیز مدام خیالیمدان، آذربایجان

وطن عشقی مکتبینده جان وئرمه یی اؤیره نمیشیک

استادیمیز دئییب هئچدیر وطن سیز جان، آذربایجان

بوتون دونیا بیلیر سنین عزتینله، قدرتینله

آباد اولوب، آزاد اولوب ملک ایران، آذربایجان

بیستون انقلابدا، شیرین وطن اوچون فرهاد

کولونگ چالمیش اؤز باشینا، زامان - زامان آذربایجان

یارب! ندیر بیر بو قده ر اورکلری قان ائتدیین

قولو باغلی قالاجاقدیر نه واختاجان آذربایجان

ائولادلاری نه واختاجان ترک وطن اولاجاقدیر

آیاغا دور، عصیان ائیله، اویان - اویان آذربایجان

بسدیر فراق اودلاریندان کول اله ندی باشیمیزا

قالخ آیاغا، یا آزاد اول یا تامام یان آذربایجان

شهریارین" اوره یی ده سنینکی تک یارالی دیر"

آزادلیق دیر منه مرحم، سنه درمان آذربایجان

محمد حسین شهریار