جناب بؤیوک بی رسول اوغلودان بیر مراجیعت

!عزیز آذربایجان عاشیق لری

بیلدیگینیز کیمی آذربایجانیمیزین پاک و مقدس بالاسی " حسن بی آذربایجانی "، اوجاق

چیلاری و تبریزده توتولموش بعضی تانینمیش لاری تهرانین اوین زیندانینا آپارمیشلار. مالینی، جانینی، بوتون عؤمرونو آذربایجان و و اونون مدنییتی، موسیقی سی و میللی وارلیغی یولوندا قویان بو بؤیوک اینسان عینی حالدا شدتلی اوره ک خسته لیگیندن اذیت چکمکده دیر. اونون بو خسته لیگینین اساس سببی ایسه اوچ ایل اؤنجه 21 آذر گونو رحمتلیک پروفسور دکتر ذهتابی نین مزاری باشیندا توتوقلانماسی، بیر ایل تعلیقی زیندانلا بیرگه آغیر زحمتله بوراخیلماسی اولموشدور. .اونون دهشتلی اوین زیندانیندا دورومونون چوخ آغیر اولدوغو بیلینمکده دیر
داخیلده زیندانلاردا اذاب چکن آذربایجان قایغی کش لرینین قایغی سینا قالان بوتون وطن ائولادلارینین اونلاری مدافعه سی اه ن ضروری ایش دیر. اؤزه للیکله مللتیمیزه گؤز داغی وئرمک اوچون اوین -ه آپاریلمیش زیندانیلر حاققیندا الیمیزدن گلنی اسیرگه مه مه لییک. بیزلرین بو فعالییتی میللی حرکتیمیزین گله جگی اوچون چوخ ده یرلی و تعیین ائدیجی دیر. بو واسیطه ایله داخیلده کی ده یرلی آغ ساققاللاریمیز و قانونی قورولوشلاریمیزین دا الیندن گلن یاردیمی گؤسترمک لرینه اینانجیمی .بیلدیرمک ایستردیم

آدلارینی میللت وکیلی قویانلاردا آزجیق غیرت داماری تاپیلانلار، خالقین آلین تری ایله قازانمیش بیر تیکه چؤره گینه شریک چیخاراق آیت الله سوییه سینه یوکسلن لر، بو گونکوحاکیمیت ده هر هانسی دلیله گؤره ایشتراک ائدیب یوکسک مقاملارا قالخان آذربایجان لیلار، آذربایجانین باشینا گتیریلن بو قددارجاسینا آسدی – کسدینین .قارشیسینا چیخماسالار، میللته نئجه جاواب وئره جکلرینی یاخشیجا دوشونمه لیدیرلر

.میللتین قوینو اه ن ایستی قوجاق، اه ن امنییت لی یووادیر

ده رین سایغیلاریملا: بؤیوک رسول اوغلو