دوستاقدا عؤمور گونلرین وطن عشقیله سورن «اوستاد حسن دمیرچی » جنابلارینا

سیزلاییب تاریندا

آنامین سسی

آلیشیب سینه نده

وطن نغمه سی

بیر داغسان

... طوفانلار ، باش ایر سنه

چیرپینان اورک دیر

دینه‌ن دوداغین

ائشیدن قولاغیم

آخان گؤز یاشیم

سیلاحیم ، وارلیغیم

...آتام هارداسان ؟

سنینله اؤتوشوب

عؤمور چاغلاریم

سنسیز چوخ دار اولوب

بو دونیابیزه اوزاقدا دایانمیش

ساوالان کیمی

سن خزریم ، آرازیم

...آتام هارداسان ؟

سسینه سس وئرن

بیر اوغلونام من

بو یوردا باغلی یام

قاریش ـ قاریش من

آیریلمیشق

...داریخمیشام ائله من

آی هوندور داغلارین

قارتالی قاییت

اوزاق دا اولساق دا

نه دردیم ـ غمیم

باشیمدا دولانار هر آن اؤیودون

او گون اولسون

گلیم الیندن اؤپوم

...!آی شانلی «یولداشیم» آتام هارداسان ؟

بابک قوجا اوغلو