...حسن بی دمیرچی نین دورومو آغیرلاشیب
سید حیدر بیات - دان
ایلک دؤنه حسن آقانی زنگاندا گؤردوم یانیلماسام. حکیم هیدجی قورولتاییندا. اوردا دوکتور صدیق ایله فرهنگسرانین بوفه‌سینده چای ایچیردیک، حسن آقادا گلدی ایچه‌ری، دوکتور اونو برک تحویل آلدی و تئز : «آقای بیات! دئ چای گتیرسینلر حسن آقا گیله»
...و سونرا خوش، بئش، اون بئش
.داها سونرا حسن آقانی گؤرمه‌دیم
خردادین حادیثه‌لی گونلرینده یئنه دوکتور صدیق به‌یله تئلفوندا دانیشیردیق، سوردو: دای کیم توتولوب؟ حسن آقادا توتولوب؟ حسن آقا دمیرچی؟
***
.دوغروسو بو توتوقلانمالار هامیسی بیزه آجی‌دیر
.مهندس راشدی، عباس لسانی، رضا عباسی و حاج آقا عظیمی کی یئنی‌لیکده بوراخیلدی
.آمما بوردا بو توتوقلانانلارین ایکیسی آجیراق‌دیر
.حاج آقا عظیمی ایله حسن آقانی دئییره‌م
:آچیقلارام سؤزو
.بونلارین هر ایکیسی‌ده سیمگه‌دیرلر. بیریسی مذهب سیمگه‌سی، او بیریسی ایسه مدنیت و هنر سیمگه‌سی
عین حال‌دا بیر آز عوام و پوپولیستی باخیشلا باخساق بیربیرینه قارشیدیرلار. آذربایجان مثل‌لرینده موللا ایله عاشیقین بیربیرینین قارشیسیندا اولماسی دئییلیب همیشه
دئییل‌می؟
نئجه اولوب کی بو ایکی تام قارشی‌قارشی‌یا دوران ساحه‌لرین آدامی بیر سوچا توتوقلانیب دوستاقلانالار؟
نئجه اولا بیله‌ر کی بیر میللتین ایکی فرقلی ساحه‌ده سیمگه‌لری بئله‌سینه توتوقلانیب جزالانالار!!!؟
نئجه اولا بیله‌ر؟
بونون قارشیسیندا دئیه بیله‌ریک البت: نئجه اولار کی حجت الاسلام خاتمی تاجیکستان رقص باله سالونونون تعمیرینه بیر میللتین بودجه‌سینده‌ن مادی یاردیملار ائده؟
:آرتیق سؤز بودور کی رحمتلی زهتابی دئدی
«سن اوسان من ده بویام»
بیز بیر میللتیک، موللامیز، عاشیقیمیز، اؤیرتمه‌نیمیز، اؤیرنجی‌میز هامی‌میز بیر دوشونه‌رک بو یولو گئدیریک. بو بیر حماسه‌دیر. بو بیر اینانیلماز گئرچک‌لیک‌دیر، حقیقت‌دیر بو، حقیقتین تام ایچ اوزو
دئییل می؟
.آمما بو حماسه‌نی ان آجی بؤلومو 65 یاشیندا بیر اوزانا، اوستاد چالیجی‌یا، شلاق حوکمو صادر اولماقدیر
.من ایکی گوندور چالیشیرام بونو دوشونه‌م دوشونه بیلمه‌ییره‌م
posted by (حسن هرگلی(دمیرچی | 2:58 PM
0 Comments:
Post a Comment
<< Home